Ishni «yopish» uchun prokurorga 1000 dollar pora bermoqchi bo‘lgan ishtixonlik «yersotar» fermer sudlandi

Jinoyat ishlari bo‘yicha Qo‘shrabot tuman sudida I.G‘ulomov raisligida o‘tgan sud majlisida ana shu jinoyat ishi bo‘yicha sud ishi bo‘lib o‘tdi.
Fermer S.Sh.ning sudda iqrorlik bildirishicha, u rahbarlik qilib kelayotgan fermer xo‘jaligi hududi chegarasidagi 9 sotix yer maydonini 27 million so‘mga sotib yuborgan hamda ukasi, jiyani va fermer xo‘jaligi a'zosi tomonidan o‘zboshimchalik bilan turar joy qurilgan.
Ma'lum bo‘lishicha, ushbu holat yuzasidan Ishtixon tumani Agrosanoat inspeksiyasi tomonidan hujjatlar rasmiylashtirilib, tuman prokuraturasiga taqdim etilgan. Tuman prokurori o‘rinbosari uning qo‘l telefoniga qo‘ng‘iroq qilib, u va o‘g‘liga nisbatan to‘plangan hujjatlar yuzasidan tushuntirish berishi kerakligini aytgan. O‘sha kuni fermer prokuror o‘rinbosariga og‘zaki tushuntirish bergan. Shundan keyin to‘plangan hujjatlar yuzasidan jinoyat ishi qo‘zg‘atmasligi uchun 1000 AQSh dollarini berishini taklif qilgan. Prokuratura xodimi esa bu jinoyat ekanini tushuntirgan.
Ammo oradan ma'lum muddat o‘tgach, fermer tuman prokurori o‘rinbosarining xizmat xonasidagi stolining ustiga 600 AQSh dollarini qo‘ygan paytda Samarqand viloyat prokuraturasi xodimlari kirib kelib holatni rasmiylashtirgan.
Sudda fermerga ikki yillik ozodlikni cheklash jazosi tayinlandi.
Mavzuga oid

20:04 / 22.05.2025
Xorazmda soliq inspektoriga, Qashqadaryoda esa sud ekspertiga nisbatan jinoyat ishi qo‘zg‘atildi

11:53 / 22.05.2025
Ayrim nizolarni sudgacha ko‘rib chiqishning yangi tartibi joriy etiladi

09:31 / 21.05.2025
Bloger Qobil Do‘sov ustidan yana bir sud ishi bo‘lib o‘tmoqda

20:07 / 20.05.2025