Qoʻshimcha funksionallar
-
Tungi ko‘rinish
Turkmaniston prezidenti milliy xavfsizlik vazirini almashtirdi
Yaylim Berdiyev/ Foto: hronikatm.com
Turkmaniston prezidenti Gurbanguli Berdimuhamedov milliy xavfsizlik vaziri general-mayor Yaylim Berdiyevni boshqa ishga o‘tishi munosabati bilan egallab turgan lavozimidan ozod etdi.
Bu haqda Turkmaniston davlat axborot agentligi xabar berdi.
Vazirlikka yangi rahbar etib polkovnik Gurbanmurot Annayev tayinlangan. U bungacha Berdiyevning o‘rinbosari bo‘lib ishlab kelayotgandi.
Turkmaniston prezidenti Xavfsizlik kengashining 22 yanvardagi yig‘ilishida Berdiyevga qat'iy hayfsan e'lon qilgan. U Berdiyevning unvonini lavozim majburiyatlarini tegishlicha bajarmagani va ishda qo‘yilgan kamchiliklar uchun general-polkovnikdan general-mayorgacha pasaytirgan va davlat xavfsizlik kengashi kotibi lavozimidan bo‘shatgan.
Ta'kidlanishicha, 2019 yil dekabrda Turkmaniston ichki ishlar vaziri Iskandar Mulikov o‘z lavozimidan olingach, prezident Berdiyevning moliyaviy holati va mol-mulkini tekshirishni buyurgan.
Avval mudofaa vaziri lavozimini egallagan Yaylim Berdiyev milliy xavfsizlik vazirligini 2018 yil iyundan boshqarib kelgan.
Mavzuga oid
18:14 / 24.04.2025
Shavkat Mirziyoyev va Gurbanguli Berdimuhamedov birgalikda daraxt ekib, «Zamonlar sadosi» ko‘rgazmasi bilan tanishdi
14:31 / 24.04.2025
Turkman xalqining milliy yetakchisi «Oliy Darajali Do‘stlik» ordeni bilan mukofotlandi
14:15 / 24.04.2025
Shavkat Mirziyoyev va Gurbanguli Berdimuhamedov Samarqandda muzokara o‘tkazdi
07:30 / 24.04.2025