Qoʻshimcha funksionallar
-
Tungi ko‘rinish
Samarqandda 96 yoshli fuqaroning tomorqasidan 122 tup ko‘knori topildi
Holat yuzasidan Jinoyat kodeksining 270-moddasi bilan jinoyat ishi qo‘zg‘atilgan.
2020 yilning 19 may kuni soat 11:20da Samarqand viloyati Jomboy tuman IIB xodimlari tomonidan “Qoradori 2020” tadbiri o‘tkazilgan. Bu haqda O‘zbekiston Respublikasi IIV huzuridagi Tergov departamenti xabar bermoqda.
Uning davomida, Jomboy tuman G‘orovtepa qishlog‘ida yashovchi 96 yoshli G‘.T.ning yashash uyi hovlisidagi tomorqasi xolislar ishtirokida ko‘zdan kechirilganda, tomorqasida ekilgan jami 122 tup yashil rangli, o‘tkir hidli, «ko‘knor» giyohvandlik o‘simligini yetishtirib kelayotganligi aniqlanib, ushbu 122 tup o‘simliklar xolislar ishtirokida ashyoviy dalil sifatida hujjatlashtirib olingan.
Holat yuzasidan Jomboy tuman IIB huzuridagi Tergov bo‘limi tomonidan O‘zbekiston Respublikasi Jinoyat kodeksining 270-moddasi 1-qismi (taqiqlangan ekinlarni yetishtirish) bilan jinoyat ishi qo‘zg‘atilgan.
Hozirda dastlabki tergov harakatlari davom etmoqda.
Mavzuga oid
08:24 / 18.04.2025
Giyohvandlik vositalari savdosi bilan shug‘ullanuvchi kanal reklamasini tarqatgan shaxs ushlandi
10:38 / 11.04.2025
DXX giyohvandlik vositalari savdosiga qarshi tezkor tadbirlar o‘tkazdi
11:50 / 25.03.2025
Hududlarda salkam 100 kg giyohvandlik vositalari ashyoviy dalil sifatida olindi
14:36 / 16.03.2025