Yevroparlament Ar-Riyod va Abu-Dabiga qurol sotilishini cheklashga chaqirdi

Stokgolm tinchlik muammolarini o‘rganish xalqaro instituti ma'lumotlariga ko‘ra, YeI mamlakatlari Saudiya Arabistoni va BAAga qurol yetkazib berish bo‘yicha dunyoda ikkinchi o‘rinda turadi.

Foto: Reuters

Yevropa parlamenti (YeP) Yevroittifoq mamlakatlarini saudiyalik jurnalist Jamol Qoshiqchining o‘ldirilishi hamda Yamanda davom etayotgan nizo sababli Saudiya Arabistoni va Birlashgan Arab Amirliklariga qurol sotilishini cheklashga chaqirdi.

Yevroittifoq mamlakatlarini qurollanish eksporti ustidan umumiy nazoratni kuchaytirishga chaqiruvchi qonun loyihasi YeP yig‘ilishida qabul qilindi.

Stokgolm tinchlik muammolarini o‘rganish xalqaro instituti ma'lumotlariga ko‘ra, YeI mamlakatlari Saudiya Arabistoni va BAAga qurol yetkazib berish bo‘yicha dunyoda ikkinchi o‘rinda turadi, deyiladi hujjatda.

Hujjatda Yamandagi to‘qnashuvlarda sodir etilgan harbiy jinoyatlar to‘g‘risidagi BMT xabarlari eslatib o‘tilgan.

Shuningdek, Belgiya, Daniya Finlyandiya, Germaniya, Gretsiya, Italiya va Niderlandiyaning Saudiya Arabistoni boshchiligidagi koalitsiya mamlakatlariga qurol sotishni cheklash to‘g‘risidagi qarori olqishlangan.

#YeI #qurol eksporti