Qoʻshimcha funksionallar
-
Tungi ko‘rinish
Yevroittifoqda koronavirusga qarshi emlash bahorda boshlanishi mumkin
Yevropa komissiyasi rahbari Ursula fon der Lyayyenning so‘zlariga ko‘ra, "YeIning barcha mamlakatlarida vaziyat jiddiy".
Foto: EPA
Yevropa ittifoqida koronavirusga qarshi vaksinatsiya kelasi yil aprelda boshlanishi mumkin. Bu haqda Yevropa komissiyasi rahbari Ursula fon der Lyayyen va uning maxsus maslahatchisi, mikrobiolog Piter Piot ma'lum qildi.
"Optimistik ssenariyga ko‘ra, Yevropa fuqarolari uchun oyiga 20-50 mln doza vaksina yetkazib berishimiz mumkin, yetkazib berish aprelda boshlanishi mumkin", - dedi Yevrokomissiya rahbari.
Uning so‘zlariga ko‘ra, "YeIning barcha mamlakatlarida vaziyat jiddiy".
"Yevropada virus tez tarqalmoqda. Biz ikkinchi to‘lqin ichidamiz. Bugungi kunda Yevropada 1,1 milliondan ortiq kishi kasallangan va bu raqam kelayotgan 2-3 hafta ichida tez o‘sishi mumkin", - dedi fon der Lyayyen.
O‘z navbatida uning maslahatchisi Piot "vaziyat juda jiddiyligi va zudlik bilan yanada jiddiy chora ko‘rilmasa bundan ham yomonlashishi mumkin"ligini aytdi.
"Agarda bo‘shashsak, bizda uchinchi to‘lqin ham bo‘lishi mumkin", - dedi Piot.
Uning ma'lum qilishicha, hozirda 11ta vaksina sinovdan o‘tkazilmoqda.
"Yil oxirigacha ularning qanchalik samarali ekanligini bilib olishimizga umid qilaman. Kompaniyalar bilan kelishuvlar tufayli barcha fuqarolar vaksinaga ega bo‘ladi", - dedi Piot.
Koronavirus
Mavzuga oid
13:16 / 21.06.2025
«Bu safar Yevropa yordam bera olmaydi» – Yevropa vakillarining Eron bilan muzokaralari samarasiz yakunlandi
09:36 / 27.05.2025
Shimoliy Yevropa davlatlari Rossiya tomonidan xavfni ko‘rmoqda
12:24 / 22.05.2025
Lavrov Yevropani AQShga sanksiyalarni kuchaytirish uchun bosim o‘tkazishda aybladi
14:23 / 17.05.2025