Qoʻshimcha funksionallar
-
Tungi ko‘rinish
Interpol koronavirusga qarshi qalbaki vaksinalar paydo bo‘lishi mumkinligidan ogohlantirdi
Interpol tashkilotning 194 a'zo mamlakati huquqni muhofaza qilish organlariga tegishli ogohlantiruv jo‘natgan.
Foto: Joel Saget/AFP/Getty Images
Interpol uyushgan jinoiy guruhlar koronavirusga qarshi qalbaki vaksinalar tarqatishi yoki haqiqiysini o‘g‘irlashi mumkinligidan tashvishlanmoqda, deb yozadi The Guardian nashri.
"Huquqni muhofaza qilish organlari koronavirusga qarshi vaksina bilan bog‘liq jinoiy faollikning barcha turlariga qarshi imkon boricha yaxshi tayyorgarlik ko‘rishi juda muhim", - dedi Interpol bosh kotibi Yurgen Shtok.
Nashrning yozishicha, Interpol tashkilotning 194 a'zo mamlakati huquqni muhofaza qilish organlariga tegishli ogohlantiruv jo‘natgan.
Shtokning qayd etishicha, jinoyatchilar olami "vaksinalar yetkazib berish zanjiriga bog‘lanish yoki uni uzib tashlashni rejalashtirmoqda", shuningdek, soxta saytlar yordamida odamlarga qalbaki dorilarni taklif etishi mumkin.
Bundan tashqari, jinoyatchilar katta ehtimol bilan koronavirusni aniqlaydigan qalbaki testlarni ishlab chiqarishi va tarqatishi ham mumkin.
Avvalroq Buyuk Britaniya Pfizer va BioNTech kompaniyalarining koronavirusga qarshi vaksinasidan foydalanishni ma'qullagan birinchi davlatga aylangandi.
Koronavirus
Mavzuga oid
20:23 / 19.06.2025
Interpol sobiq rahbari shaxslarni pora evaziga qidiruvdan olib tashlaganlikda gumonlanmoqda
23:05 / 13.06.2025
O‘ta yirik miqdordagi firibgarlikda ayblanayotgan fuqaro Toshkent aeroportida ushlandi
10:04 / 06.06.2025
Xalqaro qidiruvga berilgan ayol BAAdan O‘zbekistonga deportatsiya qilindi
23:06 / 02.06.2025