O‘zbekistonlik taekvondochilar Osiyo chempionatida 4 ta oltin medalni qo‘lga kiritdi
Bugun, 27 iyun kuni Janubiy Koreyaning Chunchon shahrida taekvondo bo‘yicha XXV Osiyo chempionati yakuniga yetdi.

Foto: O‘zbekiston taekvondo WT assotsiatsiyasi
O‘zbekiston taekvondo WT assotsiatsiyasi xabariga ko‘ra, O‘zbekiston taekvondo terma jamoasi muvaffaqiyatli ishtirok etdi va jami 4 ta oltin, 1 ta kumush va 2 ta bronza medalini qo‘lga kiritdi.
Ulug‘bek Rashidov, Jasur Jaysunov, Nikita Rafalovich va Shuhrat Saloyev barcha raqiblarini mag‘lub etib, Osiyo chempioni degan nomga sazovor bo‘lishdi va terma jamoa hisobiga 4 ta oltin medalni olib keldi.
Taekvondo WT assotsiatsiyasi ma’lumotiga qaraganda, bungacha mustaqil O‘zbekiston tarixida hech qachon Osiyo chempionatida 4 ta oltin medal qo‘lga kiritilmagan.
Bildirilishicha, o‘zbekistonlik erkak taekvondochilar taekvondo vatani - Janubiy Koreyada mahalliy sportchilarni oltin medallar soni bo‘yicha dog‘da qoldirdi 4:3.
Bundan tashqari, eronlik erkak taekvondochilar Osiyo chempionatida o‘zbekistonlik sportchilarga hech qanday qarshilik qila olmadi va bironta oltin medalni qo‘lga kiritmadi.
Mavzuga oid

22:03 / 20.04.2025
Fantastik final. O‘zbekiston o‘smirlari 9 kishi bo‘lib o‘ynab Osiyo chempioniga aylandi

12:49 / 14.02.2025
Chempionlar vatanga qaytishdi

15:20 / 12.02.2025
O‘zbekiston amputantlar jamoasi Osiyo chempioni bo‘ldi

17:48 / 11.12.2024