Qozog‘iston shimolida o‘rmon yong‘inlari maydoni 9400 gektarga yetdi

Qozog‘iston shimolidagi Qo‘stanay oblastida o‘rmon yong‘inlari maydoni 9400 gektarga yetdi. Bu haqda Qozog‘iston favqulodda vaziyatlar vazirligi vakili Aybol Akbarov ma’lum qildi.

Uning so‘zlariga ko‘ra, mintaqada favqulodda yong‘in xavfi saqlanib turibdi.

FVVning xabar berishicha, o‘rmon yong‘ini juma kuni boshlangan, olov o‘rmon atrofidagi qishloqlarga yaqinlashgan, u yerdagi aholi evakuatsiya qilinmoqda. 

"3 sentabr 23.00 holatiga umumiy yong‘in maydoni 9400 gektarni tashkil etmoqda", - dedi Akbarov.

Ma’lumot berilishicha, yuzaga kelgan xavf sababli 1841 kishi evakuatsiya qilingan.

Yong‘inni o‘chirishga 350 kishi, 51ta texnika, uchta samolyot, to‘rtta yong‘inga qarshi kurash poyezdi jalb qilingan.