Qoʻshimcha funksionallar
-
Tungi ko‘rinish
Saudiya Arabistoni O‘zbekistonga avtomobil moylari eksportini boshlashi mumkin
O‘zbekistonning Jidda shahridagi Bosh konsulxonasi ko‘magida Innovation Trans Oil kompaniyasi bosh direktori J.G‘iyosov va Saudiya Arabistonining The Arabian Petrolium Supply Co. (APSCO) kompaniyasi savdo menejyeri M.Rahmon o‘rtasida muzokaralar tashkil etildi, deb xabar bermoqda «Dunyo».
Uchrashuvda ikki tomonlama hamkorlikni yo‘lga qo‘yish, qo‘shma loyihalarni amalga oshirish, mahsulotlar eksportini boshlash masalalari atroflicha muhokama qilindi.
M.Rahmon APSCO kompaniyasi faoliyati, ishlab chiqarayotgan mahsulotlari va ularning dunyo bo‘ylab eksport yo‘nalishlari bilan yaqindan tanishtirdi. Muloqot chog‘ida APSCO kompaniyasi tomonidan ishlab chiqarilayotgan avtomobil moylarini O‘zbekistonga, mamlakatda ishlab chiqarilayotgan karton mahsulotlarini Saudiya Arabistoniga eksport qilish takliflari muhokama etildi.
Bo‘lib o‘tgan muzokaralar natijasida bildirilgan takliflarni puxta o‘rganish va amaliy ishlarni boshlash, Innovation Trans Oil va APSCO kompaniyasi o‘rtasida hamkorlik bitimini ishlab chiqish hamda imzolashga kelishib olindi.
Mavzuga oid
15:19 / 15.07.2025
Saudiya Arabistoni 170 km uzunlikdagi osmono‘par shahar loyihasini qayta ko‘rib chiqmoqda
08:34 / 04.07.2025
Saudiya kompaniyasi O‘zbekistonda shamol elektr stansiyalari uchun turbina va qanotlar ishlab chiqaradi
12:09 / 01.07.2025
Haj mavsumida 8 nafar o‘zbekistonlik vafot etdi
16:33 / 19.06.2025