«Mushuk mojarosi» Braziliya futbol konfederatsiyasiga qimmatga tushishi mumkin
Hayvonlar huquqlarini himoya qilish tashkilotlari Braziliya futbol konfederatsiyasini mushuk bilan bog‘liq mojaro tufayli sudga berdi.
Bir guruh nodavlat notijorat tashkilotlari Braziliyaning Hayvonlar huquqini himoya qilish milliy forumi bilan birgalikda Braziliya futbol konfederatsiyasini (BFK) sudga berdi. Ular «mushuk bilan bog‘liq mojaro» tufayli tashkilotdan 1 million real (200 ming dollar) miqdorida kompensatsiya talab qilgan.
Hodisa Qatarda o‘tkazilayotgan jahon chempionatidan o‘rin olgan Braziliya - Xorvatiya o‘yinidan oldin yuz berdi. Matbuot anjumani paytida stol ustiga mushuk sakrab chiqdi. Braziliya milliy jamoasi matbuot xizmati xodimi esa jonivorni orqasidan ushlab ko‘tardi va polga tashladi. Voqea ijtimoiy tarmoqlarda keskin reaksiyaga sabab bo‘ldi. Ko‘plab foydalanuvchilar matbuot xodimini mushukka nisbatan shafqatsiz munosabatda bo‘lgani uchun tanqid qilishdi.
Hayvonlar huquqlarini himoya qilish tashkilotlari BFK xodimlari uchun hayvonlarni parvarish qilish va atrof-muhitni muhofaza qilish bo‘yicha treninglar o‘tkazishni, shuningdek, omma oldida kechirim so‘rashni talab qilmoqda. Da’vo arizasiga qo‘shilgan boshqa tashkilotlar ro‘yxati keltirilmagan.
Braziliya milliy jamoasi chorakfinal o‘yinida Xorvatiyaga penaltilar seriyasida yutqazib, musobaqani tark etdi.
Tavsiya etamiz
Hindiston va Pokiston: kimning armiyasi kuchliroq?
Jahon | 19:21 / 09.05.2025
Mafkuralar kurashi: 9 may aslida qanday kun?
O‘zbekiston | 14:22 / 09.05.2025
Qatiq, murabbo va yadro quroli. Putin yangi filmda nimalar dedi?
Jahon | 21:59 / 06.05.2025
Avtomobil importiga ekosertifikat – utilizatsiyaga qo‘shimcha “bonus”mi?
O‘zbekiston | 20:34 / 06.05.2025
So‘nggi yangiliklar
-
Tehronda O‘zbekiston-Eron biznes forumi o‘tkazildi
O‘zbekiston | 21:05
-
“Buning oxiri bormi?” – kofrunliklar o‘z holiga tashlab qo‘yilganidan xavotirda
O‘zbekiston | 20:56
-
Olimlar Mars qa’rida ulkan ko‘l borligini aniqladi
Jahon | 20:43
-
Toshkentda elektr tarmoqlar korxonasining ikki xodimi 10 ming dollar bilan qo‘lga tushdi
O‘zbekiston | 19:47
Mavzuga oid

21:20 / 09.05.2025
Shveytsariyada qo‘shnisining mushugiga ovqat bergan ayol sud qilinmoqda

10:40 / 05.05.2025
Braziliya politsiyasi Ledi Gaga konsertidagi teraktning oldini oldi

19:37 / 01.05.2025
Dunyodagi eng keksa ayol vafot etdi

22:57 / 26.03.2025