Acer kompyuterda ishlash uchun mo‘ljallangan mashq velosipedini taqdim qildi

Endi o‘tirib ishlash jarayonida jismoniy mashqlar bilan shug‘ullanish mumkin.

Foto: Acer

Consumer Electronic Show 2023 (CES 2023) texnoko‘rgazma doirasida Acer kompaniyasi bir vaqtning o‘zida sport bilan shug‘ullanish va kompyuterda ishlash imkonini beruvchi noodatiy mashq velosipedini taqdim etdi.

eKinekt BD 3 nomini olgan yangilikdan kompyuterda ishlash jarayonida foydalanish mumkin– u ish stoli bilan birlashtirilgan velotrenajyordan iborat.

Shuningdek, unda stakan qo‘yiladigan joy, sumka yoki ryukzak uchun ilgak, kompyuter yoki boshqa gadjetni zaryadlash uchun USB Type-A va USB Type-C ulagichlari bor. E’tiborga loyiq jihati – mashq paytida eKinekt BD 3 elektr energiyasini ishlab chiqarishi mumkin. U sekundiga 60 marta aylanganida 75 vattgacha quvvat ishlab chiqaradi.

Noodatiy trenajyor velosiped 2023 yilning yozida sotuvga chiqariladi. Acer yangi mahsulot uchun 999 dollar so‘ramoqda, bu taxminan 11,3 mln so‘mga teng.

#texnologiyalar #Acer #velotrenajyor