57-Xalqaro Mendeleyev olimpiadasida 7 nafar o‘zbekistonlik g‘olib bo‘ldi
6 may kuni Qozog‘istonning Ostona shahrida bo‘lib o‘tgan 57-Xalqaro Mendeleyev olimpiadasida o‘zbekistonlik o‘quvchilar 2ta oltin, 3ta kumush va 2ta bronza medalini qo‘lga kiritishdi.

Foto: RIA Novosti
1-6 may kunlari Qozog‘istonning Ostona shahrida kimyo bo‘yicha 57-Xalqaro Mendeleyev olimpiadasida bo‘lib o‘tdi. Bu yilgi olimpiadada dunyoning 21 davlatidan 113 nafar ishtirokchi qatnashgan. Bu haqda Maktabgacha va maktab ta’limi vazirligi ma’lum qildi.
Olimpiadaning yakuniy natijalariga ko‘ra, 7 nafar o‘zbekistonlik o‘quvchilar g‘olib va sovrindor bo‘lishgan. Ular 2ta oltin, 3ta kumush va 2ta bronza medalni qo‘lga kiritgan.
1. Nazarov Azizbek – Abu Ali ibn Sino nomidagi ixtisoslashtirilgan maktabning 11-sinf o‘quvchisi – oltin medal.
2. Mahmudov Abdulloh – Uchtepa tumanidagi 81-maktabning 10-sinf o‘quvchisi – oltin medal.
3. Dilmurodov Sohibjon – Toshkent shahridagi Prezident maktabining 10-sinf o‘quvchisi – kumush medal.
4. Rahimov Daler – Buxoro shahridagi 35-maktabning 9-sinf o‘quvchisi – kumush medal.
5. Karimov Azizbek – Uchtepa tumanidagi 81-maktabning 11-sinf o‘quvchisi – kumush medal.
6. Hafizov Azizbek – Buxoro davlat tibbiyot instituti akademik litseyi 2-bosqich o‘quvchisi – bronza medal.
7. Hakimova Shahzoda – Abu Ali ibn Sino nomidagi ixtisoslashtirilgan maktabning 11-sinf o‘quvchisi – bronza medal.
Ma’lumot uchun, Mendeleyev olimpiadasida o‘zbekistonliklar hozirgacha jami 85 ta medal qo‘lga kiritgan. Ularning 8tasi oltin, 24tasi kumush va 53tasi bronza medal bo‘lgandi. Endi jami medallar 92taga yetdi.
Mavzuga oid

16:03 / 30.01.2025
Ostona va Toshkent o‘rtasidagi tovar ayirboshlash hajmi 4 mlrd dollardan oshdi

16:46 / 03.01.2025
Qozog‘istonda yuzlab avtomobillar ishtirokida yirik YTH sodir bo‘ldi

20:39 / 28.12.2024
Toshkentdan Ostonaga uchgan reys ortga qaytarildi

18:58 / 17.08.2024