Toshkent va Grozniy o‘rtasida muntazam aviaqatnovlar yo‘lga qo‘yiladi

Toshkent va Grozniy o‘rtasida muntazam aviaqatnov yo‘lga qo‘yiladi. Bu haqda Checheniston hukumati raisi Muslim Xuchiyev ma’lum qildi, deb yozmoqda Spot.

Xuchiyevning ma’lum qilishicha, Vaynaxavia va Uzbekistan Airways aviakompaniyasi o‘rtasida tegishli kelishuvga erishilgan.

Kelishuv doirasida Uzbekistan Airways Rossiyadagi mintaqaviy vakili bilan yangi xalqaro reysni yo‘lga qo‘yish va parvozlar geografiyasini yanada kengaytirish masalalari muhokama qilingan.

Qayd etilishicha, parvozlar Toshkentdan Grozniyga va ortga haftasiga ikki marta amalga oshirilishi rejalashtirilgan.

#Grozniy #aviaqatnov