Qoʻshimcha funksionallar
-
Tungi ko‘rinish
Mahalliy xo‘jalik shartnomalari doirasida fors-major holatlarini tasdiqlash tartibi belgilandi
Hukumat qarori bilan Mahalliy xo‘jalik shartnomalari doirasida yuzaga keladigan yengib bo‘lmaydigan kuch (fors-major) holatlarini tasdiqlash to‘g‘risidagi nizom qabul qilindi.
Nizomga ko‘ra, fors-major holatlar Savdo-sanoat palatasi raisining elektron raqamli imzosi bilan, shuningdek, QR-kod bilan rasmiylashtiriladigan sertifikatni berish orqali tasdiqlanadi.
Talabgor fors-major holatlarni tasdiqlash bo‘yicha sertifikat olish uchun Savdo-sanoat palatasiga to‘g‘ridan-to‘g‘ri yoki uning rasmiy veb-sayti orqali murojaat qiladi.
Palata taqdim etilgan hujjatlarni 1 ish kunida ko‘rib chiqadi.
Hujjatlarda kamchilik bo‘lsa, talabgorga to‘liq taqdim etilmagan ma’lumot va hujjatlarni 10 kun ichida taqdim etish to‘g‘risida so‘rov yuboriladi.
Fors-major holatlar mavjudligini tasdiqlash yoki rad etish to‘g‘risidagi qaror 15 kun muddatda qabul qilinadi.
Sertifikat berish rad etilgan taqdirda, 3 kun muddatda talabgorga asoslantirilgan javob xati yuboriladi.
Sertifikat rasmiylashtirilgan taqdirda, talabgorga 1 kun ichida xabar berilib, sertifikat rasmiy veb-saytda e’lon qilinadi.
Sertifikat muddatsiz davrga beriladi. Sertifikat bir martalik xususiyatga ega bo‘lib, faqat arizada ko‘rsatilgan shartnomaviy munosabatlarga nisbatan tatbiq etiladi.
Mazkur tartib tashqi savdo bitimlari va xalqaro shartnomalar shartlari doirasida yuzaga keladigan fors-major holatlarga nisbatan tatbiq qilinmaydi.
Mavzuga oid
12:49 / 31.03.2025
O‘zbekiston prezidenti uchta xalqaro shartnomani tasdiqladi
09:48 / 14.03.2025
Foydali qazilmalar va mudofaa sohasida hamkorlik, axborot almashinuvini kuchaytirish – O‘zbekiston-Fransiya strategik sheriklik shartnomasida nimalar ko‘zda tutilgan?
11:29 / 26.02.2025
O‘zbekiston va Qirg‘iziston o‘rtasida fuqarolar kelib-ketishi to‘g‘risidagi bitimga o‘zgartirishlar kiritildi
12:40 / 14.02.2025