Samarqand va Toshkent viloyatlarida “valyutchik”lar ushlandi
Chirchiq shahri va Samarqand tumanida o‘tkazilgan tezkor tadbirlarda avvaldan valuta ayirboshlash bilan shug‘ullanib kelgan shaxslar ushlangan.

Foto: Prokuratura departamenti
Bosh prokuratura huzuridagi departamentning xabar berishicha, departamentning Toshkent viloyat boshqarmasi tomonidan Chirchiq shahrida o‘tkazilgan tezkor tadbirda valuta ayirboshlash bilan shug‘ullanib kelgan S.S. 3 000 AQSh dollarini fuqaro E.M.ga 37,2 mln so‘mga sotgan vaqtida ushlangan.
Tekshiruv davomida uning yonidan yana 1 304 AQSh dollari, 100 yevro va 70 ming Qozog‘iston tengesi ashyoviy dalil sifatida olingan.
Shu kabi, departamentning Samarqand tuman bo‘limi tomonidan o‘tkazilgan tezkor tadbirda valuta ayirboshlash bilan shug‘ullanib kelgan M.O. 3 200 AQSh dollarini fuqaro A.A.ga 39,6 mln so‘mga sotgan vaqtida ashyoviy dalillar bilan ushlangan.
Qayd etilishicha, mazkur holatlar yuzasidan Jinoyat kodeksining 177-moddasi (valuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
Mavzuga oid

22:03 / 11.06.2025
Samarqand viloyatida ikki ishchi tok urishi oqibatida vafot etdi

16:58 / 09.06.2025
Samarqanddagi Tillakori madrasasi restavratsiya qilinadi

13:42 / 07.06.2025
Samarqandda BMTning Davlat xizmati forumi bo‘lib o‘tadi

21:03 / 04.06.2025