Qoʻshimcha funksionallar
-
Tungi ko‘rinish
Samarqandda pul evaziga esdalik nishoni olib bermoqchi bo‘lgan shaxs ushlandi
U 3 400 dollar evaziga universitetga o‘qishga kiritib qo‘yishni va “Eng yaxshi xizmatlari uchun” esdalik nishonini olib berishni va’da qilgan.
Foto: Iqtisodiy jinoyatlarga qarshi kurashish departamenti
Samarqandda o‘qishga kiritib qo‘yish va esdalik nishoni olib berish bilan bog‘liq firibgarlik holati fosh etildi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar qildi.
Ma’lum qilinishicha, departament hamda DXXning Samarqand viloyati boshqarmalari tomonidan tezkor tadbir o‘tkazilgan. Unda viloyat sport boshqarmasi bosh mutaxassisi Sh.K. fuqaro Sh.R.ga “Eng yaxshi xizmatlari uchun” esdalik nishoni olib berishi hamda fuqaro N.B.ni tanishlari yordamida Qarshi iqtisodiyot va pedagogika universitetiga o‘qishga kiritib qo‘yishi evaziga 3400 AQSh dollari olgan vaqtida ashyoviy dalillar bilan ushlangan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Oldinroq Sirdaryoda fuqarolarni 4 ming dollar evaziga o‘qishga kiritib qo‘ymoqchi bo‘lgan shaxs ushlangandi.
Mavzuga oid
23:22 / 25.04.2025
Samarqandda o‘quvchiga tashlanib, unga tazyiq o‘tkazgan o‘qituvchi ishdan olindi
11:58 / 25.04.2025
“Efirda uzilish va qotish bo‘lgan” – Samarqand va Andijondagi attestatsiya jarayonlari yuzasidan munosabat bildirildi
11:17 / 25.04.2025
Samarqandda piyodalar yo‘lakchasidagi hodisa oqibatida bir kishi vafot etgan
10:29 / 25.04.2025