Ayrim shaxslar yo‘qotilgan pasport va ID-kartani almashtirib berishda davlat bojidan ozod etiladi
O‘zgalar parvarishiga muhtoj bo‘lgan yolg‘iz yashovchi hamda yolg‘iz keksa va nogironligi bo‘lgan shaxslar yo‘qotilgan biometrik pasport (identifikatsiya ID-karta)ni ular reyestrga kiritilguniga qadar “Inson” markazi buyurtmasi asosida almashtirib berishda davlat bojidan ozod qilinadi.
“Davlat boji to‘g‘risida”gi qonunning 13-moddasiga qo‘shimchalar kiritish haqida”gi qonun loyihasi e’lon qilindi.
Loyiha prezident qarori bilan tasdiqlangan Ijtimoiy himoyaga muhtoj keksa va nogironligi bo‘lgan shaxslarni qo‘llab-quvvatlash tizimini yanada takomillashtirish bo‘yicha “yo‘l xaritasi” ijrosini ta’minlash maqsadida Ichki ishlar vazirligi tomonidan ishlab chiqilgan.
Loyihada quyidagilar nazarda tutilmoqda:
- o‘zgalar parvarishiga muhtoj keksalar va nogironligi bo‘lgan shaxslarga ijtimoiy xizmatlarni ko‘rsatish tizimini takomillashtirish, ularni qo‘llab-quvvatlash, jamiyatga integratsiya qilish va mustaqil hayot kechirishlari uchun zarur sharoitlar yaratish, ijtimoiy xizmatlar ko‘rsatish jarayonini raqamlashtirish, ko‘rsatilayotgan ijtimoiy xizmatlar sifatini oshirish;
- o‘zgalar parvarishiga muhtoj bo‘lgan yolg‘iz yashovchi hamda yolg‘iz keksa va nogironligi bo‘lgan shaxslarga ijtimoiy xizmatlar ko‘rsatishda yengilliklar yaratish, jumladan, ularning yo‘qotilgan biometrik pasportlari (identifikatsiya ID-kartalari)ni ular reyestrga kiritilguniga qadar “Inson” ijtimoiy xizmatlar markazi buyurtmasi asosida almashtirib berishda davlat bojidan ozod qilish.
Mavzuga oid

18:00 / 01.04.2025
Maktab vazirligi 16 yoshga to‘lgan bitiruvchilardan pasportni o‘z vaqtida olishni so‘radi

18:13 / 27.02.2025
O‘zbekistonda chiroyli raqamli ID-karta, pasport va haydovchilik guvohnomalari oshirilgan narxda beriladi

15:30 / 20.02.2025
O‘zbekiston va Ozarboyjon ID-kartalarni o‘zaro tan olish masalasini muhokama qilmoqda

16:08 / 31.01.2025