Toshkentda avtobuslar tezligi 50 km/soatgacha cheklanadi
«Toshshahartransxizmat» maxsus dasturiy ta’minot yordamida jamoat transportining maksimal tezligini tushirmoqda.

Foto: KUN.UZ
«Toshshahartransxizmat» AJga qarashli barcha avtobuslarning maksimal tezligi maxsus dasturiy ta’minot yordamida 50 kilometr/soatga tushirilmoqda. Bu haqda kompaniya matbuot xizmati xabar berdi.
Kompaniya vakilining qayd etishicha, bundan maqsad — yo‘lovchilar xavfsizligini oshirish va ko‘chalarda sodir bo‘ladigan baxtsiz hodisalarning oldini olishdan iborat.
«Bu dastur qilinganidan keyin avtobus tezligi 50 km/soatdan ko‘tarilmaydi», — deydi «Toshshahartransxizmat» vakili.
Tezligi cheklangan avtobuslarning old oynalariga «50» ogohlantiruvchi belgisi yopishtirib chiqilmoqda.
2023 yil fevralda Toshkentda, jamoat transporti uchun alohida harakatlanish bo‘lagi tashkil etilgan 4 ta ko‘chada bu yo‘laklardagi qoidabuzarliklarni qayd etuvchi 55 ta yangi kamera o‘rnatilgani to‘g‘risida xabar berilgandi. Bunga qo‘shimcha ravishda avtobuslarning o‘ziga ham qoidabuzarlikni avtomatik qayd etuvchi smart-kameralar o‘rnatilgan.
Eslatib o‘tamiz, Yo‘l harakati qoidalariga kiritilgan o‘zgarishga asosan, 2023 yil 5 apreldan boshlab O‘zbekistonning barcha shaharlarida transport vositalarining ruxsat etilgan maksimal tezligi 70 km/soatdan 60 km/soatga tushirilgan.
Mavzuga oid

00:43 / 25.04.2025
Yaponiyada salkam 30 yil avtobus boshqargan haydovchi 7 dollar o‘g‘irlagani uchun ishdan bo‘shatildi

08:56 / 02.04.2025
Toshkentda ayrim avtobus yo‘nalishlari harakati o‘zgaradi

16:08 / 28.03.2025
«Toshshahartransxizmat»ning sobiq rahbari va 20 kishiga sud hukmi o‘qildi

23:43 / 27.03.2025