Qoʻshimcha funksionallar
-
Tungi ko‘rinish
Ukraina sobiq prezidenti Yanukovichning o‘g‘li Rossiya fuqaroligini oldi
Aleksandr Yanukovich Rossiyada biznes bilan shug‘ullanmoqda va endi soliq organlarida Rossiya fuqarosi sifatida qayd etilgan.
Foto: UNIAN
Ukrainadan qochgan sobiq prezident Viktor Yanukovichning o‘g‘li Rossiya fuqaroligini oldi, deb xabar berdi RIA Novosti.
Hozir Aleksandr Yanukovich Rossiyada biznes bilan shug‘ullanadi. Xususan, uning nomiga moliyaviy va sanoat guruhlarini boshqarish bilan shug‘ullanadigan kompaniya ro‘yxatga olingan. Ilgari u Ukraina fuqarosi sifatida ro‘yxatga olingan bo‘lsa, endi soliq organlari tomonidan kiritilgan o‘zgartirishlarga ko‘ra, u Rossiya fuqarosi sifatida qayd etilgan.
Viktor Yanukovichning sobiq advokati Vitaliy Serdyuk 2016 yilda Ukrainaning sobiq prezidenti, mish-mishlarga qaramasdan, Rossiya fuqaroligiga ega emasligini aytgan edi.
Aleksandr Yanukovich Ukrainada ham biznes bilan ham shug‘ullangan: u Ukraina ko‘mirini eksport qiladigan MAKO-Treyding kompaniyasiga egalik qilgan. 2014 yilda Ukraina xavfsizlik xizmati uni xizmat soxtakorligi va hujjatlarni qalbakilashtirishda ayblab, qidiruvga bergan edi. Yevropa Ittifoqi Aleksandr Yanukovichga nisbatan sanksiya e’lon qilgan.
Mavzuga oid
13:55
Ochlikka ro‘para bo‘lgan G‘azo, sanksiyalardan xalos bo‘lishga urinayotgan Suriya va Rossiyaning Qirg‘izistonga tahdidi - kun dayjesti
13:33
Ukraina tinchlik rejasi bo‘yicha 5 ta talabini AQShga ma’lum qildi
12:04
Rossiyada migrantlar orasida jinoyatchilik darajasi yuqori emasligi ma’lum bo‘ldi
11:30