Qoʻshimcha funksionallar
-
Tungi ko‘rinish
Hindiston 2040 yilda Oyga o‘z kosmonavtini uchiradi
Hindiston kosmik tadqiqotlar tashkiloti 2040 yilda Oyga o‘z kosmonavtini uchirishini va u Yerning tabiiy yo‘ldoshiga mamlakat bayrog‘ini o‘rnatishini ma’lum qildi.
Foto: Getty Images
Hindiston o‘z kosmonavtini 2040 yilga borib Oyga qo‘ndirishga mo‘ljallangan kosmik dasturni yaratdi. Bu haqda Hindiston kosmik tadqiqotlar tashkiloti (ISRO) raisi Shridxara Somanatx ma’lum qildi.
«Mustaqilligimizning 100 yilligini nishonlayotgan vaqtimizda Oyda Hindiston bayrog‘i hilpirayotgan bo‘ladi. Bizning odamimiz u yerga borib, bayroqni o‘rnatadi va muvaffaqiyatli qaytib keladi. Bu 2040 yilda sodir bo‘ladi», — deydi Somanatx.
Uning so‘zlariga ko‘ra, mazkur yo‘l xaritasi doirasida Hindiston 10 yildan keyin o‘zining kosmik stansiyasini qurishni rejalashtirmoqda. 2028 yilda uchiriladigan kosmik stansiya moduli stansiyani to‘liq ishga tushirishga zamin yaratadi.
Joriy yilning oktyabrida ISRO Venera sayyorasini o‘rganishga oid rejalarini e’lon qilgandi. Unga ko‘ra, Shukrayan-1 nomini olgan missiya 2028 yilning 29 mart kuni start oladi.
Eslatib o‘tamiz, 2023 yilning yozida Hindiston Oyga kosmik kemasini muvaffaqiyatli uchirgan edi. Hindiston kosmik dasturi 1960 yillardan beri mavjud. Dastlab koinotga sun’iy yo‘ldoshlarni uchirishga e’tibor qaratildi. Mamlakat endi o‘z oldiga yanada ulkan maqsadlarni qo‘ymoqda.
Mavzuga oid
17:27
Tashqi dushman obrazi siyosiy maqsadlarda bo‘rttirilyapti - tahlilchilar Hindiston–Pokiston nizosi haqida
15:39
“Geosiyosiy muammolarni deb o‘zbek mevalarini istaganimizcha ololmayapmiz” – Hindiston elchisi qarorgohidan eksklyuziv suhbat
10:59
Hindiston Pokiston bo‘ylab zarbalar seriyasini amalga oshirdi. Asosiy ma’lumotlar
07:45