O‘zbekiston va Shvetsiya Afg‘oniston yo‘nalishidagi hamkorlikni muhokama qildi

O‘zbekiston prezidentining Afg‘oniston bo‘yicha maxsus vakili Ismatulla Ergashev Shvetsiya Adliya vazirligi huzuridagi Migratsiya masalalari departamenti direktori Sofiya Ostmark bilan muzokaralar o‘tkazdi.

Foto: "Dunyo" AA

TIV ma’lumotiga ko‘ra, suhbat chog‘ida tomonlar ikki tomonlama hamkorlikning dolzarb masalalarini, jumladan migratsiya sohasidagi o‘zaro aloqalar va mintaqaviy kun tartibini muhokama qildilar.

Afg‘onistondagi vaziyat va insonparvarlik yo‘nalishidagi hamkorlikning mumkin bo‘lgan shakllari yuzasidan fikr almashishga alohida e’tibor qaratildi.

Uchrashuv konstruktiv ruhda o‘tdi hamda amaliy muloqotni yanada chuqurlashtirish borasida tomonlarning o‘zaro manfaatdorligini tasdiqladi.

#Afg‘oniston #Shvetsiya