OAV: Urush boshidan beri Rossiya armiyasidan 49 ming kishi qochgan bo‘lishi mumkin

Ukrainaga keng ko‘lamli hujum boshlanganidan beri kamida 49 ming askar va zobit Rossiya armiyasini tark etgan bo‘lishi mumkin. Bu ma’lumotlar 20 may, seshanba kuni «Vajnyye istorii» nashri tomonidan e’lon qilindi.

U ikkita ma’lumotlar bazasiga tayangan: 2022-2024 yillar uchun Janubiy harbiy okrugdagi o‘z bo‘linmasini ruxsatsiz tark etganlarning ro‘yxati ochiqlandi, shuningdek Rossiya Federatsiyasida qochoqlik va o‘z bo‘linmasini ruxsatsiz tark etganlik uchun jinoiy ish qo‘zg‘atilgan shaxslar ro‘yxati 2025 yil mart oyida "Xochu jit" Ukraina GUR loyihasi tomonidan e’lon qilindi.

«Vajnyye istorii», shuningdek, Rossiya Qurolli kuchlarining 20-motoo‘qchilar diviziyasidan qochib ketganlar ro‘yxatini oldi. Ushbu ro‘yxatdagi ismlarning 65 foizi Janubiy harbiy okrug ro‘yxatidagi nomlarga to‘g‘ri keldi. Uning ko‘plab ishtirokchilari, shuningdek, Rossiya harbiy garnizon sudlarining ma’lumotlariga ko‘ra, bo‘linmani tark etganlik uchun hukm qilingan.

Ma’lumotlarga ko‘ra, harbiy xizmatchilarni qidiruvga berishning asosiy sabablari — frontdagi o‘z pozitsiyalarini tashlab ketish, harbiy qismdan qochish va davolanish yoki topshiriqdan keyin xizmatga qaytishni rad etish.

Jurnalistlar ikkita ma’lumotlar bazasini birlashtirib, 49 001 kishidan iborat yagona ro‘yxatni olishdi. Bu Ukrainaning Frontelligence Insight OSINT hamjamiyati bahosi bilan deyarli bir xil — 2024 yil dekabr holatiga ko‘ra 50 554 dezertir.