Qoʻshimcha funksionallar
-
Tungi ko‘rinish
Sport | 20:39 / 28.05.2025
30329
1 daqiqa o‘qiladi
Abduqodir Husanov uylandi
Futbol bo‘yicha O‘zbekiston milliy jamoasi va Angliyaning “Manchester Siti” klubi himoyachisi Abduqodir Husanov bo‘ydoqlik bilan xayrlashdi.
Foto: Videodan kadr
Kecha, 27 may kuni Husanovlar oilasi poytaxtdagi “Versal” restoranida xalqqa osh bergandi. Unda O‘zbekiston siyosatida katta o‘rin tutuvchi bir qator shaxslar, mashhur sportchilar ham qatnashgan.
21 yoshli futbolchining nikoh oqshomi bugun, 28 may kuni Toshkent shahridagi restoranlardan birida bo‘lib o‘tmoqda.
Eslatib o‘tamiz, Abduqodir Husanov 2025 yil yanvarida 40 mln yevro evaziga Fransiyaning “Lans” klubidan “Manchester Siti”ga o‘tgandi. U shu tariqa APLda o‘ynagan ilk o‘zbekistonlik futbolchiga aylandi.
