Tramp Baydenning sog‘lig‘i bo‘yicha surishtiruv o‘tkazishni buyurdi

Uning so‘zlariga ko‘ra, sobiq prezidentning yordamchilari muhim hujjatlarga Jo Bayden o‘rniga imzo qo‘yish uchun avto-imzodan noqonuniy foydalangan bo‘lishi mumkin.

Foto: Getty images

AQSh prezidenti Donald Tramp sobiq hamkasbi Jo Baydenning sog‘lig‘i, shuningdek, uning yordamchilari tomonidan prezidentning avto-imzosidan foydalanish holatlarini tekshirishni buyurdi. Bu haqda Oq uy e’lon qilgan memorandumda aytiladi.

Hujjatda ta’kidlanganidek, Baydenning ruhiyati yillar davomida yomonlashgan. Donald Tramp so‘zlariga ko‘ra, sobiq prezidentning yordamchilari muhim hujjatlarga Jo Bayden o‘rniga imzo qo‘yish uchun avto-imzodan noqonuniy foydalangan bo‘lishi mumkin. Avto-imzo ayniqsa uning prezidentlik muddatining ikkinchi yarmida faol ishlatilgan, deyiladi memorandumda.

Bosh prokuror Oq uyning yuridik maslahatchisi bilan birgalikda tekshiruv o‘tkazadi va avto-imzodan foydalanishga kim buyruq bergani, shuningdek, qaysi hujjatlar, jumladan, avf etish to‘g‘risidagi farmonlar va ijro farmoyishlari shu tarzda qanday imzolanganini aniqlaydi.

Tekshiruv shuningdek, Jo Bayden sog‘lig‘ini yashirganmi yoki uning ruhiy holati haqida yolg‘on bayonot berilganmi yoki yo‘qligini tekshiradi.

#AQSh #Jo Bayden #Donald Tramp