O‘zbekistonlik hojilar 12 iyundan vatanga qaytishni boshlaydi

12 iyundan Saudiya Arabistonidagi o‘zbekistonlik hojilar bir necha kun davomida navbati bilan vatanga qaytadi. Joriy mavsumda O‘zbekistonning 15 ming fuqarosi muqaddas Haj ziyoratini amalga oshirdi.

Foto: Haj-umra markazi

Musulmonlar idorasi axborot xizmatining ma’lum qilishicha, Jidda shahridan O‘zbekistonning 10 ta hududi – Toshkent, Buxoro, Namangan, Farg‘ona, Samarqand, Qarshi, Termiz, Urganch, Navoiy va Nukus shaharlariga to‘g‘ridan to‘g‘ri parvozlar amalga oshiriladi.

Tashish ishlariga Uzbekistan Airways samolyotlari jalb qilingan.

Ma’lumot uchun, 2025 yildagi Haj mavsumi 4 iyundan 9 iyungacha, ya’ni Zulhijja oyining 8 kunidan 13 kunigacha davom etdi. Unda jami 1,6 milliondan ortiq ziyoratchilar qatnashdi. Xususan, O‘zbekistondan 15 ming fuqaro muqaddas ziyoratni amalga oshirish uchun Makka shahriga yetib borgan.

#Saudiya Arabistoni #Haj ziyorati