Dunyodagi eng mashhur avtomobil brendi nomi ma’lum bo‘ldi

Peshqadamlar o‘ntaligiga Volkswagen, Toyota va Ford kabi brendlar kirdi.

Foto: Toyota

2025 yil may oyi holatiga ko‘ra eng ko‘p sotilgan avtomobil brendlari reytingida birinchi o‘rinni 10,8 foiz bozor ulushi bilan Yaponiyaning Toyota kompaniyasi egallab turibdi. Bu haqda Focus2Move mutaxassislari xabar berdi.

Toyota kompaniyasining yillik o‘sishi 3,6 foizni tashkil qildi. Mashhurlik bo‘yicha ikkinchi o‘rinda jahon bozorining 5,6 foizini egallagan Volkswagen (Germaniya). Ford (AQSh) 4,5 foiz ulush bilan uchinchi o‘rinni egalladi, BMW (Germaniya) esa kuchli o‘ntalikni yakunladi.

Mutaxassislar Xitoyning Geely kompaniyasining ta’sirchan o‘sganini ta’kidlamoqda, bu 73,7 foizni tashkil etadi. Umuman olganda, ta’kidlanishicha, Xitoy brendlari juda yaxshi dinamikani namoyish etgan.

2025 yilning TOP-10 eng mashhur avtomobil brendlari (o‘sish dinamikasi):

- Toyota (Yaponiya, +3,6%);

- Volkswagen (Germaniya, +2,7%);

- Ford (AQSh, +0,2%);

- Hyundai (Janubiy Koreya, +1,3%);

- Honda (Yaponiya, -4,5%);

- Nissan (Yaponiya, -4,6%);

- Kia (Janubiy Koreya, +5,4%);

- BYD (Xitoy, +13,7%);

- Chevrolet (AQSh, -2,5%);

- BMW (Germaniya, -2,5%).

May oyi holatiga ko‘ra, Toyota RAV4 dunyodagi eng ko‘p sotilgan modellar reytingida birinchi o‘rinni egalladi, Ford F-Series ikkinchi, Toyota Corolla uchinchi bo‘ldi.

Yevropa avtobozoriga kelsak, Renault Clio 2025 yilning dastlabki besh oyi natijalariga ko‘ra eng ommabop avtomobil bo‘ldi. Yuqori uchlikda Dacia Sandero va Volkswagen T-Roc bor.

#brend #Toyota #Avtomobil