Xarkivda bir sutka ichida dronlar hujumidan 82 kishi jabrlandi

7 iyul, dushanba kuni soat 21:00 holatiga ko‘ra, Rossiya uchuvchisiz uchoqlarining Xarkivga uyushtirgan hujumlari natijasida jarohatlanganlar soni 82 kishiga yetdi. 34 yoshli ayol halok bo‘ldi, deb xabar berdi Xarkiv viloyat prokuraturasi Telegramʼda.

Uning postida aytilishicha, Rossiya Qurolli kuchlari Xarkivga ikki marta zarba bergan — soat 05:20 dan 05:40 gacha va 10:20 dan 10:30 gacha. Zarbalar birinchi navbatda "Geran-2" rusumidagi (Shahed'ning rus analogi) 10 ta dron tomonidan amalga oshirildi. Obektlar Xarkivning Shevchenko, Xolodnogorskiy va Slobodskiy tumanlaridagi fuqarolik obektlari bo‘lgan, deya xabar beradi viloyat prokuraturasi.

Jabrlanganlar orasida - sakkiz nafar bola: ikki qiz va ikki o‘g‘il, deya qo‘shimcha qildi idora.

Avvalroq mahalliy hokimiyat Xarkivning Shevchenko tumanidagi ko‘p qavatli binolardan biriga Rossiya uchuvchisiz uchog‘i urilgani natijasida 8-qavatda yong‘in chiqqani haqida xabar bergan edi. Slobodskiy tumanida zarbalar turar joy binosiga qaratilgan.

Ukrainaning aholi soni bo‘yicha ikkinchi shahri so‘nggi bir oy ichida kuchli o‘qqa tutildi. 7 iyunga o‘tar kechasi Rossiya Qurolli kuchlari shaharga keng ko‘lamli urush boshlanganidan beri eng kuchli hujumni uyushtirdi – Ukraina rasmiylariga ko‘ra, Xarkivga deyarli 50 ta dron, ikkita raketa va to‘rtta aviabomba uchirilgan. Uch kishi halok bo‘ldi. O‘sha kuni rossiyaliklar shaharning markaziy qismiga boshqariladigan havo bombalarini (KAB) tashladi, natijada yana olti kishi halok bo‘ldi va 40 dan ortiq kishi jarohat oldi.