31 iyulga o‘tar kechasi Kiyev uchun yil boshidan buyon eng og‘iri bo‘ldi – fotoreportaj

2025 yil yozi boshlanganidan buyon Rossiya Kiyevga raketa va dronlar bilan intensiv hujumlar uyushtira boshladi. Shunday hujumlardan navbatdagisi 31 iyul kuni ro‘y berdi. Beshta joyda raketa va dronlar nishonga aniq tegib urilgan. Svyatoshinskiy va Solomenskiy rayonlarida ikkita ko‘p qavatli uy vayron bo‘lgan. 31 kishi, jumladan besh nafar bola hujum qurboniga aylandi, 159 kishi yaralandi. Qurbonlar orasida eng yoshi ikki yoshli qizcha bo‘lgan.

Keng ko‘lamli urush boshlanganidan buyon Kiyevda faqat bir marta bir hujum vaqtidagi qurbonlar soni bundan ko‘proq bo‘lgan – 2024 yil 8 iyulda Ukraina poytaxti Rossiya qo‘shini tomonidan o‘qqa tutilishi oqibatida (o‘shanda «Oxmatdet» bolalar shifoxonasi ham zarbaga uchragandi) halok bo‘lganlar soni 33 nafarni tashkil etgandi.

31 iyulga o‘tar kechasi Kiyev bo‘ylab jami 27 ta nuqtada snaryadlar to‘g‘ridan to‘g‘ri urilishi va dronlar parchalari qulashi qayd etilgan. Ko‘p joylarda yong‘inlar yuzaga kelgan.

Hujum oqibatida yuzdan ortiq bino, jumladan, turar joylar, shifoxonalar, maktablar va bolalar bog‘chalari shikastlangan.

To‘qqiz qavatli uyning bir pod’yezdi to‘liq qulab tushgan joyda qidiruv-qutqaruv ishlari 31 iyul kuni kun bo‘yi davom etdi. Omon qolganlar orasida to‘qqizinchi qavatdan yiqilib tushgan qiz ham bor.

1 avgust Kiyevda qurbonlar xotirasiga motam kuni deb e’lon qilindi.