Qoʻshimcha funksionallar
-
Tungi ko‘rinish
Xolmo‘min Yodgorov Sudyalar oliy kengashi raisi lavozimiga qayta saylandi
2020 yil 5 avgust kuni Sudyalar oliy kengashi raisi etib saylangan Xolmo‘min Yodgorovning vakolat muddati 2025 yil 6 avgustda tugagandi. Bugun o‘tkazilgan Senat kengashi majlisida u ushbu lavozimga navbatdagi 5 yilga saylandi.
Foto: Oliy Majlis Senati
Bugun, 11 avgust kuni Oliy Majlis Senati kengashining majlisi bo‘lib o‘tdi. Uni Senat raisi Tanzila Norboyeva olib bordi.
Kengash majlisida Sudyalar oliy kengashi raisini saylash masalasi ko‘rib chiqilgan. Oliy Majlis Senati kengashi tomonidan O‘zbekiston Respublikasi prezidentining taqdimiga binoan Xolmo‘min Yodgorovni Sudyalar oliy kengashi raisi lavozimiga saylash to‘g‘risida qaror qabul qilingan.
Shuningdek, majlisda o‘tgan besh yil davomida Sudyalar oliy kengashi tomonidan mamlakatda sud hokimiyatining nufuzi va samaradorligini oshirish maqsadida amalga oshirilgan chora-tadbirlar haqida atroflicha ma’lumot berilgan.
Ma’lumot uchun, Sudyalar oliy kengashi a’zolari 5 yil muddatga saylanadi. Bu “O‘zbekiston Respublikasi Sudyalar oliy kengashi to‘g‘risida”gi qonunning 27-moddasida belgilab qo‘yilgan.
Mavzuga oid
11:20 / 07.08.2025
Sudyalar oliy kengashida “rekord”: rais vakolat muddati tugashi arafasida 100 dan ortiq tayinlovni amalga oshirdi
19:55 / 19.09.2024
«Sudya mustaqilligini ta’minlash uchun o‘z ustida ishlashi kerak» - Sudyalar oliy kengashi
13:41 / 02.07.2024
Qozog‘iston Odil sudlov akademiyasi mamlakat Sudyalar oliy kengashi tarkibiga o‘tkazildi
16:23 / 29.04.2024