Моуриньо нима учун «Челси»ни қувиб етиш қийинлигига изоҳ берди

«Манчестер Юнайтед» жамоаси бош мураббийи Жозе Моуриньо АПЛ турнир жадвалида «Челси»ни қувиб етиш машаққатлари ҳақида гапирди.

«Вазиятга холислик билан қарасак, тан олишимиз керакки, бу жуда қийин иш. Гап орадаги фарқда ҳам эмас, гап шундаки «Челси» жамоаси фалсафаси шундайки, бу жамоани қувиб етиш энди қийин.

Улар битта гол уриб олиб, ҳимояга ётмоқда ва ғалабага эришмоқда. Уларнинг ҳимояси кучли. Ахир ўйин якунига 20 дақиқа қолганда улар майдонга яна ҳимоячи ташламоқда.

«Челси» бошқаларнинг гапларига эътибор қаратмайди. Улар шунчаки натижани ўйлашади. Шу туфайли улар кейинги ўйинларда ҳам кўп очколар йўқотмайди деб ўйлайман», – дея қайд этиб ўтган португалиялик мутахассис.