Қўшимча функционаллар
-
Тунги кўриниш
Нью-Йоркда дунёнинг энг яхши автомобиллари номлари маълум қилинди
Фото: motor.ru
Нью-Йоркдаги моторшоуда "Йилнинг жаҳон автомобили" танлови ғолиблари эълон қилинди. Биринчи ўринни Jaguar F-Pace кроссовери эгаллади. Бу машина, шунингдек, "Энг яхши дизайн" йўналишида ҳам ғолиб бўлди.
Танлов финалида Jaguar F-Pace яна иккита йўлтанламас – Audi Q5 ва Volkswagen Tiguan моделлари билан беллашди. Британ модели энг чиройли машиналар тоифасида эса Mercedes-Benz S-Class кабриолети ва Toyota C-HR кроссоверини доғда қолдирди.
Йилнинг энг яхши шаҳар электрокари BMW i3 бўлди.
"Йилнинг энг ҳашаматли автомобили" номи Mercedes-Benz E-Class’га насиб қилди. Бу машина якуний овоз беришда BMW 5-Series ва Volvo S90/V90 моделларини ортда қолдирди.
Йилнинг энг яхши спорт автомобили McLaren 570S ва Audi R8 Spyder моделларини юта олган Porsche 718 Boxster/Cayman бўлди.
"Энг экологик машина" йўналишида Toyota Prius Prime ғолиб бўлди.
Аввалги йил Mazda МX-5 "Йилнинг жаҳон автомобили" деб топилганди.
Мавзуга оид
21:33 / 28.05.2025
Тирбандлик солиғи Нью-Йорк шаҳрига 4 ойда 216 миллион доллар келтирди
21:10 / 02.04.2025
АҚШ суди Нью-Йорк мэрига очилган жиноий ишни ёпди
23:03 / 11.03.2025
Ню-Йоркдаги ўрмон ёнғинлари нима сабабдан келиб чиққани маълум бўлди
21:23 / 09.03.2025