Қўшимча функционаллар
-
Тунги кўриниш
Денгиз тубида 65 йил аввал фалокатга учраган самолёт топилди

Фото: pinterest.com
Туркиянинг қидирув-қутқарув сув ости кемаси денгиз тубида 65 йил аввал фалокатга учраган йўловчи самолётини топди. Топилган самолёт моторидан ташқари деярли шикастланмаган.
Воқеа 65 йил аввал Туркиянинг Қизилада ороли яқинида юз берган. Фалокатга Air France авиакомпаниясининг Париждан Теҳронга тунги рейсни амалга ошираётган самолёти учраган.
Ўшанда 32 йўловчи ва экипажнинг 8 аъзоси омон қолган, 4 киши ҳалок бўлган. Самолёт сардори техник носозлик сабабли фавқулодда қўнишни амалга оширишга мажбур бўлган. Сардорга зулмат тунда ҳозирда ҳам фаолият юритадиган маёқнинг чироқлари мўлжал бўлиб хизмат қилган. Қизиғи, йўловчиларнинг ҳаётини сақлаб қолган маёқ француз архитектори томондан қурилган бўлган.
Сув ости кемаси самолётни замонавий қурилмалар ёрдамида 250 метрга яқин чуқурликда аниқлаган. Таъкидланишича, ушбу қурилмалар 3000 метргача чуқурликдаги объектларни аниқлай олади.
Мавзуга оид

12:50
Тошкент тиббиёт университети талабаси самолётда инсон ҳаётини сақлаб қолди

14:23 / 25.07.2025
Minval AZAL самолёти ҳалокатининг янги тафсилотларини маълум қилди

14:06 / 24.07.2025
Германия ва Франция FCAS жанговар самолёти бўйича келишмовчиликни ҳал қилмоқчи

22:37 / 13.07.2025