Украина Австралияга космодром бўйича таклиф билан чиқди

Украина давлат космик агентлиги Австралия ғарбида космодром қуриб беришни таклиф қилди. Бу ҳақда The West Australia хабар бермоқда.

Украинанинг Австралиядаги элчиси Николай Кулинич сўзларига кўра, Украинада «глобал космик пойгада катта тажриба» бор.

Унинг билдиришича, Украина «агарда майдонча бўлганида, ракеталар учиришни эртага эрталабданоқ бошлаши мумкин эди».

«Бу таклиф ҳақиқатга жуда яқин. Биз ўз мутахассисларимиз ва экспертлик билимларимизни таклиф этмоқдамиз. Австралияда фойдаланиш учун ер бўлса бўлди», - дея айтиб ўтди Кулинич.