Исроил Туркия бош консулидан мамлакатни тарк этишни талаб қилди

Фото: REUTERS

Исроил ташқи ишлар вазирлиги Туркиянинг Ал-Қудсдаги бош консулидан мамлакатни тарк этишни талаб қилди. Бу ҳақда Jerusalem Post нашри маълум қилди.

“Бош консул муайян вақт давомида Туркияга маслаҳатлашувлар учун қайтиши таклиф қилинди”, деб айтган Исроил ташқи ишлар вазирлиги вакили.

15 май куни худди шундай чоралар Туркия ҳукумати томонидан Исроил элчисига нисбатан амалга оширилганди.

Икки давлат ўртасидаги дипломатик ихтилоф Ғазо секторидаги воқеалар билан боғлиқ ҳолда юз бермоқда. Бу ерда исроиллик ҳарбийлар билан тўқнашувларда 100 дан ошиқ фаластинлик ҳалок бўлган.

#Туркия #Исроил

6 декабрь куни АҚШ президенти Дональд Трамп Қуддуснинг Исроил пойтахти деб тан олди. У АҚШ Давлат департаментига Тель-Авивдаги элчихонани Қуддусга кўчиришга тайёргарлик кўришни бошлаш вазифасини топширди.