Қўшимча функционаллар
-
Тунги кўриниш
Тожикистон Ғазо сектори бўйича баёнот билан чиқди
Фото: EPA
Тожикистон Республикаси Ғазо секторида тинч тарзда норозилик билдирган ўнлаб фаластинликларнинг ҳалок бўлиши билан якунланган қонли тўқнашувларни кескин қоралайди. Бу ҳақда Тожикистон Ташқи ишлар вазирлиги баёнотида айтилади.
Тожикистон Республикаси, БМТ Хавфсизлик кенгашининг ҳаммага маълум резолюциялари асосида низони ҳал қилиш зарурлигини таъкидлаб, барча томонларни минтақада тинчлик ва барқарорлик асосларини заифлаштирувчи ҳаракатлардан воз кечишга чақиради, дейилади баёнотда.
15 май куни фаластинликлар Исроил давлатининг 1948 йил 14 майда ташкил этилгани, арабларнинг Исроил ҳудудидан оммавий чиқариб юборилгани муносабати билан Накба куни ёки «Фалокат куни»ни нишонлайди.
Аввалроқ, 10 мингга яқин фаластинлик Исроил билан Ғазо секторининг маъмурий чегараси ҳудудида тўплангани хабар қилинганди. Айрим намойишчилар чегара тўсиғидан ўтишга уриндилар.
Бундан ташқари, Ал-Қудсда АҚШнинг янги элчихонаси очилиши фаластинликларнинг норозилигига сабаб бўлди.
Ғазо секторининг маъмурий чегарасида содир бўлган тартибсизликларда ҳалок бўлганларнинг сони 60дан ошиб кетди, 2400дан ортиқ фаластинликлар яраланди.
Эслатиб ўтамиз, аввалроқ Туркия президенти Ражаб Тоййиб Эрдўған Исроил бош вазири Биньямин Нетаньяҳуни апартеидда айблаганди.
Ғазо секторида янги можаро
14 май куни АҚШ Қуддусда элчихонаси очилишига жавобан Ғазо секторида фаластинликлар норозилик намойишлари ўтказишди. Натижада Исроил ҳарбийлари билан қуролли тўқнашувлар келиб чиқиб, 40дан ортиқ фаластинлик ҳалок бўлди.
Мавзуга оид
21:01
Ғарб Исроил Эронга зарба беришидан хавотирда. Бу ҳақда нималар маълум ва оқибатлар қандай бўлиши мумкин?
17:45 / 11.06.2025
Қизалоққа қарши армия: Грета Тунберг Ғазога етиб боролмади
15:15 / 11.06.2025
Ғазода 10 мингдан ортиқ жангчисини йўқотган Исроил армияси чуқурлашиб бораётган инқирозга юз тутяпти
13:43 / 11.06.2025