Мирзачўл туман ҳокими вилоят ҳокимининг ўринбосари этиб тайинланди

Жиззах вилоят ҳокимининг 2018 йил 29 октябрдаги қарорларига асосан вилоят ҳокимининг қишлоқ ва сув хўжалиги масалалари бўйича ўринбосари Рустам Қурбонназарович Холматов бошқа ишга ўтганлиги муносабати билан лавозимидан озод этилди.

Бу ҳақда KUN.UZ’га Жиззах вилоят ҳокимлигининг Ахборот хизмати маълум қилди

 Мирзачўл тумани ҳокими лавозимида ишлаб келаётган Маҳмуд Парсаматович Холбўтаев вилоят ҳокимининг қишлоқ ва сув хўжалиги масалалари бўйича ўринбосари этиб тайинланди.

Маҳмуд Холбўтаев 2009–2010 йилларда ҳам вилоят ҳокимининг қишлоқ ва сув хўжалиги масалалари бўйича ўринбосари лавозимида ишлаган.