Аргентина президенти G20 етакчилари учун концертда йиғлаб юборди (видео)

Аргентина президенти Маурисио Макри G20 саммити етакчилари учун “Колон” театри уюштирган концертдан кейин ўзини тутиб туролмай, йиғлаб юборди.

Видеода барча томошабинлар ва давлатлар раҳбарлари ўрниларидан туриб артистларни олқишлашаётганини кўриш мумкин. Макри эса “Аргентина! Аргентина!” деган ҳайқириқларни эшитиб, давлати учун фахр туйғуси жўш уриб, кўзи намланган. 

Аргентина президенти бу “қувонч ёшлари”ни давлати ва халқи учун фахр туйғулари билан тушунтирган.