Қўшимча функционаллар
-
Тунги кўриниш
Беморнинг ҳужайраларидан тери босувчи биопринтер яратилди

Фото: МТРК «МИР» / Грекова Марина
Уэйк-Форест университети регенератив тиббиёт маркази олимлари “янги тери” босадиган биопринтер яратишди. Бу ҳақда Science Daily нашри хабар берди.
Бемор териси ҳужайлари – фибробласт ёки кератиноцитлар соғлом қисмдан биопсия ёрдамида олинади. Бу намуналар гидрогел билан аралаштирилиб, қурилмага жойлаштирилади. Биопринтер бир неча қатлам тери босиб чиқариб, у билан шикастланган жойларни қоплайди.
Бундай усул теридаги жароҳатлар битишини тезлаштиради ва чандиқлар қолдирмайди. Бемор ҳужайраларининг қўлланиши эса ўзга киши териси кўчириб ўтказилгандаги тўқиманинг қабул қилмаслик хавфини истисно этади.
Биопринтер лаборатория шароитларида синовлардан ўтказилди. Тажриба давомида янги тери жароҳат марказидан унинг чеккалари томон шакллантирилишини кўриш мумкин бўлган. Кейинги босқич – терининг одамларда синовдан ўтказилиши бўлади. Агар жараён муваффақиятли ўтса, қурилма куйиш вақтида олинган жароҳатларнинг тез битишида ёрдам беради.
Мавзуга оид

10:51
Лазер эпиляцияси тери саратонга сабаб бўладими? Мутахассислар жавоб берди

16:35 / 26.07.2025
Ёзнинг жазирама кунларида аёллар терисини қандай парвариш қилиш керак?

22:33 / 17.07.2025
“Ёшартирувчи муолажа” — вақтинчалик таскин: тери саломатлиги аслида нимага боғлиқ?

09:00 / 16.09.2020