Қўшимча функционаллар
-
Тунги кўриниш
БМТ бош котибининг инсон ҳуқуқлари бўйича ёрдамчиси ўзгарди
Фото: LETA
БМТ бош котиби Антониу Гутерреш инсон ҳуқуқлари бўйича ўзининг янги ёрдамчисини тайинлади. Ушбу лавозимни британиялик Эндрю Гилмор ўрнига латвиялик Илзе Брандс-Кехрис эгаллади. Бу ҳақда бош котибнинг расмий вакили Стефан Дюжаррик маълум қилди.
"Бугун БМТ бош котиби Антониу Гутерреш латвиялик Илзе Брандс-Кехрисни инсон ҳуқуқлари бўйича бош котиб ёрдамчиси ва Нью-Йоркдаги инсон ҳуқуқлари бўйича олий комиссар бошқармасининг бошлиғи этиб тайинлади. У Буюк британиялик Эндрю Гилмор ўрнига тайинланди", - деди Дюжаррик.
Унинг сўзларига кўра, БМТ бош котиби ва инсон ҳуқуқлари бўйича олий комиссар Гилмор ташкилотдаги кўп йиллик фаолияти учун миннатдорлик билдирган.
Дюжаррикнинг маълум қилишича, Брандс-Кехрис 2017 йилдан буён БМТнинг инсон ҳуқуқлари бўйича қўмитаси мустақил эксперт-аъзоси ҳисобланади.
Мавзуга оид
17:10
БМТ дунёда туғилишнинг камайиши сабабларини аниқлади
23:21 / 13.06.2025
Ўзбекистон Ғазода урушни тўхтатиш ҳақидаги БМТ резолюциясига қўшилди
23:02 / 12.06.2025
Глобал қочқинлар сони 2011 йилдан бери биринчи марта камайди – БМТ
13:42 / 07.06.2025