Порошенкога қарши давлатга хиёнат бўйича жиноят иши қўзғатилди

Украина давлат тергов бюроси мамлакатнинг собиқ президенти Пётр Порошенкога қарши Минск келишувларини имзолашда давлатга хиёнат бўйича жиноят иши қўзғатди. Бу ҳақда юрист Андрей Портнов маълум қилди.

Айтилишича, Порошенко "Норманд тўртлиги" раҳбарлари билан Киев назорати остида бўлмаган ҳудудлар Украинага қайтарилмасдан туриб ўзини республика деб эълон қилган ҳудудларда сайловлар ўтказилиши бўйича келишувга эришган.

Андрей Портнов ушбу фактни давлатга хиёнат деб ҳисоблаш мумкинлигини билдирди.

Аввалроқ Украинанинг собиқ президенти 13та жиноят ишида қатнашаётгани, улардан 12тасида гувоҳ сифатида иштирок этаётгани хабар қилинганди.