Қўшимча функционаллар
-
Тунги кўриниш
АҚШ президенти сайловида 70 миллиондан ортиқ америкалик овоз бериб бўлди
Таҳлилчилар фикрича, муддатидан аввал овоз берувчиларнинг кўплиги ўз тарафдорларини аввалдан овоз беришга чақирган Жо Байден фойдасига хизмат қилади.
Фото: AP
Президент сайлови ўтказилишига бир ҳафта қолганида 70 миллиондан ортиқ америкалик муддатидан аввал овоз бериб бўлди. Бу ҳақда Флорида штати университети профессори Майкл Макдональд раҳбарлигидаги United States Elections Project лойиҳасида маълум қилинди.
28 октябрь ҳолатига кўра, қарийб 70,5 миллион сайловчи муддатидан аввал овоз берган. Бу 2016 йилда бўлиб ўтган сайловда қатнашган жами сайловчиларнинг ярмини ташкил этади. Ўшанда 138,8 миллион киши овоз берганди.
Лойиҳада берилган маълумотга кўра, муддатидан аввал овоз беришда республикачиларга нисбатан демократик партия аъзолари кўпроқ қатнашган.
Dpa агентлигининг таҳлилчилар фикрига таяниб қайд этишича, муддатидан аввал овоз берувчиларнинг кўплиги ўз тарафдорларини аввалдан овоз беришга чақирган Жо Байден фойдасига хизмат қилади. Дональд Трамп эса аксинча, муддатидан аввал овоз бериш сайлов натижаларини сохталаштиришда қўл келиши мумкинлигини айтганди.
АҚШда президент сайлови 3 ноябрда бўлиб ўтади.
АҚШ-2020
Мавзуга оид
20:43
АҚШнинг 60 млн долларлик қирувчи самолёти Қизил денгизга чўкиб кетди
19:29
АҚШдан депортация қилинадиган ўзбекистонликлар махсус чартер рейс билан Тошкентга олиб келинади
15:27
Исроилга қарши суд эшитуви, Ҳиндистон ҳужумини кутаётган Покистон ва Украинада 9 май оташкесими — кун дайжести
07:40