Қўшимча функционаллар
-
Тунги кўриниш
Самарқандга учаётган самолёт Қозоғистонга фавқулодда қўнди
Санкт-Петербург - Самарқанд йўналиши бўйича AFL-2870 рейсини амалга ошираётган «Аэрофлот» авиакомпаниясининг лайнери Қозоғистонда фавқулодда қўнишни амалга оширди.
Фото: Uzbekistan Airports
Uzbekistan Airports хабарига кўра, бортида 56 йўловчи бўлган самолёт маҳаллий вақт билан соат 10:56 да Қизилўрда аэропортига қўнди.
Қўниш юрак хасталиги туфайли тез тиббий ёрдамга муҳтож бўлган йўловчи, Ўзбекистон фуқаросига ёрдам кўрсатиш сабабли амалга оширилган. Экипаж самолётни энг яқин аэропортга қўндиришга қарор қилган.
Самолёт аэропортга қўнгач, йўловчи тез ёрдам машинасида олиб кетилган ва малакали тиббий ёрдам кўрсатиш учун тиббий муассасага ётқизилган.
Тошкент вақти билан соат 12:20 да Самарқанд аэропортига 55 йўловчиси бўлган «Аэрофлот» самолёти қўнди, дейилади хабарда.
Мавзуга оид
17:57 / 08.07.2025
Қозоғистонда куйдирги тарқалди, икки қишлоқ карантинга олинди
09:05 / 08.07.2025
АҚШ савдо урушининг янги босқичи: Трамп Япония, Корея ва Қозоғистонга 25% бож солди
23:07 / 05.07.2025
Ўзбекистон, Озарбойжон ва Қозоғистон «яшил энергия» йўлаги бўйича қўшма корхона ташкил этди
22:00 / 05.07.2025