Қўшимча функционаллар
-
Тунги кўриниш
Покистон собиқ бош вазири Имрон Хонга мамлакатни тарк этиш тақиқланди
Таъкидланишича, собиқ бош вазир ва аввалги ҳукумат вакиллари "коррупцион йўл билан топилган пулларини олиб чет элда яширинишлари" эҳтимоли сабабли ушбу тақиқ жорий этилган.
Фото: AP
Покистон ҳукумати собиқ бош вазир Имрон Хон ва унинг вазирларига мамлакатни тарк этишни тақиқлади.
APP агентлигининг хабар беришича, собиқ бош вазир ва аввалги ҳукумат вакиллари "коррупцион йўл билан топилган пулларини олиб чет элда яширинишлари" эҳтимоли сабабли ушбу тақиқ жорий этилган.
Янги ҳукуматнинг биринчи йиғилишида бош вазир Шаҳбоз Шариф иқтисодий муаммолар, инфляциянинг ўсиши, ишсизлик ва аҳолининг қашшоқлашишида Имрон Хон маҳкамасини айблаганди.
Шарифнинг сўзларига кўра, Покистондаги ҳозирги иқтисодий ҳолат улкан хавотир уйғотади, аммо янги ҳукумат вазиятни тубдан яхшилашга тайёр.
11 апрел куни "Покистон мусулмонлари лигаси" партияси етакчиси Шаҳбоз Шариф мамлакатнинг 23-бош вазири этиб сайланганди.
Покистон парламенти 10 апрел куни бош вазир Имрон Хонга ишончсизлик вотуми эълон қилган ва уни лавозимидан четлатганди.
Мавзуга оид
09:47
Ўзбекистон ва Покистон фуқароларга виза расмийлаштириш жараёнини соддалаштиради
13:58 / 23.07.2025
Ўзбекистон ва Покистон меҳнат миграцияси соҳасида ҳамкорлик қилади
14:16 / 21.07.2025
Ўзбекистон Покистондаги нефт ва газ конларини қидиришга жалб этилиши мумкин
11:49 / 21.07.2025