Қўшимча функционаллар
-
Тунги кўриниш
Украинага Ўзбекистондан навбатдаги гуманитар ёрдам пакети жўнатилди
Украинанинг Карпаторти вилоятига Ўзбекистондан юборилган 19 тоннадан ортиқ дори-дармонлар етиб борди.
Фото: Карпаторти вилояти маъмурияти
Украина 6 июнь куни Ўзбекистондан инсонпарварлик юкларини қабул қилган. Бу ҳақда Карпаторти вилояти маъмурияти хабар бермоқда.
Ҳудуд раҳбари Виктор Микитанинг сўзларига кўра, 19 тоннадан ортиқ дори-дармонлар самолёт орқали Словакиядаги гуманитар марказга олиб келинган, шундан сўнг Украинанинг Карпаторти вилоятига етказилган.
Қайд этилишича, 12 турдаги 200 минг донадан ортиқ миқдордаги антибиотик ва витаминлардан иборат инсонпарварлик ёрдамининг қиймати 1 млн доллардан ошади.
Гуманитар ёрдам жанговар ҳудудлар ва касалхоналардаги ҳарбий шифокорларга юборилади, дейилади хабарда.
“Биз кўрсатилган ёрдам учун дўстларимизга, тадбиркорларга, ўзбекистонлик кўнгиллиларга ҳамда шахсан Украинанинг Ўзбекистондаги Фавқулодда ва мухтор элчиси Николай Дорошенкога мувофиқлаштириш ва самарали гуманитар йўлак ташкил этгани учун чин дилдан миннатдорчилик билдирамиз”, дея таъкидлади Карпаторти вилояти раҳбари.
Аввалроқ ҳам Карпаторти вилоятига Ўзбекистондан 34 тоннадан ортиқ миқдордаги инсонпарварлик ёрдами юборилганди. Унинг таркиби — дори-дармонлар, индивидуал аптечка ва узоқ муддат сақланувчи озиқ-овқат маҳсулотларидан иборат бўлган.
Мавзуга оид
21:23 / 27.04.2025
АҚШ давлат котиби келаси ҳафта Россия—Украина уруши бўйича музокаралар учун «ниҳоятда муҳим» бўлишини айтди
18:17 / 27.04.2025
Россия денгиз пиёдалари ва Z-блогерлар Курск областида ҳамон украин ҳарбийлари борлигини хабар қилди
10:16 / 27.04.2025
Россия Бош штаби Курск области тўла озод этилгани ҳақида ҳисобот берди
15:38 / 26.04.2025