Тошкент шаҳар 3-сон туғуруқ комплексига бош врач тайинланди

Фото: Соғлиқни сақлаш вазирлиги

Cоғлиқни сақлаш вазирининг тегишли буйруғи билан Наргиза Мирзоевна Умарова Тошкент шаҳар 3-сон туғуруқ комплекси бош врачи лавозимига тайинланди.

Н. Умарова 1995 йилда Тошкент педиатрия тиббиёт институтида бакалавр, 1996 йилда шу олий ўқув юртида интернатура, 2001 йилда Республика ихтисослаштирилган акушерлик ва гинекология илмий-амалий тиббиёт марказида клиник ординатура босқичларини муваффақиятли тамомлаган.

Тиббиёт фанлари номзоди бўлган мутахассис бунга қадар Республика перинатал марказида ультратовуш диагностика шифокори, умумий бўлим шифокори, муассаса қошидаги Клиник-диагностика поликлиникаси бўлими мудири, марказнинг акушерлик ва гинекология бўйича директори ўринбосари каби қатор масъулиятли вазифаларда ишлаган.

#тайинлов #туғуруқхона