Қўшимча функционаллар
-
Тунги кўриниш
Саудия Ўзбекистондан «ҳалол» маҳсулотлар импортини йўлга қўйиш ниятида
Фото: Dunyo
Жидда шаҳридаги Ўзбекистон бош консулхонаси томонидан республика маҳсулотлари экспорти ҳажмини ошириш мақсадида Макка шаҳридаги Golden Star компанияси бош директори Абдулмуъин Зурги билан учрашув ташкил этилди, деб хабар бермоқда “Дунё”.
Суҳбат давомида Ўзбекистонда амалга оширилаётган ўзгаришлар, иқтисодиётни либераллаштириш ва ташқи савдони ривожлантириш йўлидаги ислоҳотлар, хорижий импортёрлар учун яратилган қулайликлар ҳамда республикадаги экспорт муҳити жозибадорлиги ҳақидаги маълумотлар тақдим этилди.
Абдулмуъин Зурги Саудия Арабистонидаги фармацевтика заводларга хомашёларни етказиш мақсадида Осиё минтақасидаги желатинли капсулалар бозорини ўрганиб чиққанини маълум қилди.
Аҳолиси 90 фоизидан ортиғи мусулмон бўлган Ўзбекистонда ишлаб чиқариладиган маҳсулотлар ҳалоллигига ишонч ҳосил қилган ҳолда, Абдулмуъин Зурги мамлакатдаги компаниялар билан ҳамкорликни ўрнатиш истагини билдирди.
У MMM Amin Bio компанияси (Halal Gelatin Collagen Manufacturer) билан ҳамкорлик ўрнатиш асносида Ўзбекистондан желатин капсулаларини импорт қилишга қизиқиш билдирди.
Мавзуга оид
19:09 / 26.04.2025
Саудия Арабистони Ҳаж мавсумида ўзбекистонликларга электрон виза беришни тўхтатиб қўйди
07:32 / 25.04.2025
Саудияда оч ва бошпанасиз қолган зиёратчилар Ўзбекистонга қайтарилди
08:45 / 21.04.2025
2025 йилги Ҳаж мавсумида ўзбекистонликлар учун муносиб шароит яратиш масалалари муҳокама қилинди
21:18 / 14.04.2025