Қўшимча функционаллар
-
Тунги кўриниш
Ўзбекистон мевалари Россиянинг яна 3 та шаҳрида сотила бошлайди
Ўзбекистон мевалари бугундан бошлаб Курган, Челябинск ва Уфа шаҳарларининг савдо расталарида сотила бошлайди.
Фото: Kun.uz
Ўзбекистоннинг Екатеринбургдаги Бош консулхонаси иқтисодий дипломатия йўналишидаги фаолияти доирасида Россиянинг Уралдаги йирик ширкатлар билан алоқаларини ривожлантириб бормоқда, деб хабар беради “Дунё”.
Шу мақсадда Ўзбекистон дипломатлари жорий йилнинг 15 августида Челябинск ва Курган шаҳарларига амалга оширган ташрифлари доирасида “Метрополис” савдо тармоғи (Челябинск, Курган ва Уфадаги 100 га яқин озиқ-овқат дўконларига эга) раҳбари Максим Славин билан учрашув ўтказди.
Учрашув натижасида Фарғона вилояти Қува тумани Бўстон қишлоқ фуқаролар йиғинидаги қишлоқ хўжалиги маҳсулотлари экспортига ихтисослашган МЧЖ билан “Метрополис” савдо тармоғи ўртасида алоқалар йўлга қўйилди.
Икки ширкат ўртасида ўтказилган музокаралар натижасида 17 августда “Метрополис” савдо тармоғига қарашли “Перекресток” ва МЧЖ ўртасида 500 миллион рубль миқдорида шартнома имзоланди.
Жорий йилнинг 29 августида 20 тонна нектарин навли шафтоли ортилган биринчи юк машина Курган шаҳрига кириб келган ва “Перекресток”га қарашли омборхонага туширилган.
Ўзбекистон мевалари бугундан бошлаб Курган, Челябинск ва Уфа шаҳарларининг савдо расталарида сотила бошлайди.
Мавзуга оид
13:55
Очликка рўпара бўлган Ғазо, санкциялардан халос бўлишга уринаётган Сурия ва Россиянинг Қирғизистонга таҳдиди — кун дайжести
12:04
Россияда мигрантлар орасида жиноятчилик даражаси юқори эмаслиги маълум бўлди
11:30
Россияда «Норд-Ост» теракт иши бўйича қамалган шахс 22 йилдан кейин озодликка чиқди
08:37