Ар-Риёдда Ўзбекистон - Саудия Арабистони сиёсий маслаҳатлашувлари бўлиб ўтди

ТИВ маълумотига кўра, делегацияларга Ўзбекистон ташқи ишлар вазирининг биринчи ўринбосари Баҳром Аълоев ва Саудия Арабистони ташқи ишлар вазири ўринбосари Валид ал-Харижий раҳбарлик қилди.

Музокаралар чоғида олий даражада эришилган келишувларнинг амалга оширилиши кўриб чиқилди. Сиёсий мулоқотни фаоллаштириш, савдо-иқтисодий, инвестициявий, транспорт, маданий-гуманитар ва бошқа соҳалардаги ҳамкорликни ривожлантириш масалалари муҳокама қилинди. Парламентлараро алоқаларни мустаҳкамлаш ва ўзаро муносабатларнинг шартномавий-ҳуқуқий асосларини кенгайтиришдан ўзаро манфаатдорлик билдирилди.

Томонлар давлатлараро муносабатлар ривожидаги ижобий суръатни қайд этиб, икки мамлакат ўртасидаги ҳар томонлама шерикликни янада чуқурлаштириш учун барча имкониятларни сафарбар қилишга тайёр эканликларини тасдиқлади.

Икки томонлама ва минтақалараро характердаги, жумладан, "Марказий Осиё – Кўрфаз ҳамкорлик кенгаши" шаклида бўлиб ўтадиган қўшма тадбирлар жадвали ва ташкилий жиҳатларига алоҳида эътибор қаратилди.