Кувайт Ўзбекистонда кимё саноатида қўшма лойиҳаларга қизиқиш билдиряпти

Мамлакат элчихонаси кўмагида Ўзбекистон Инвестициялар, саноат ва савдо вазирлиги, "Ўзкимёсаноат" компанияси вакиллари ҳамда Кувайтнинг EPSCO компанияси бошқарув кенгаши раиси Алаа Ҳасан ўртасида онлайн учрашув ташкил этилди.

Фото: AP

Унда Ўзбекистон ва Кувайт ўртасида инвестициялар алмашувини фаоллаштириш, EPSCO компаниясининг қўшма лойиҳаларни амалга ошириш имкониятлари муҳокама қилинди.

Кувайт томони учун Ўзбекистоннинг савдо-иқтисодий ва инвестициявий салоҳияти ҳақида тақдимот ўтказилди.

EPSCO компанияси раҳбарияти тиббий саноат учун этанол, санитария ва дезинфекция маҳсулотлари ишлаб чиқариш ҳамда кимё саноатида ҳамкорлик қилишга қизиқиш билдирди.

Музокаралар якунида таклиф этилган лойиҳалар билан бевосита таниш мақсадида компания делегациясининг Ўзбекистонга ишчи сафарини ташкил этиш келишиб олинди.

#Кувайт #кимё