Россия дронлари Миколайив ва Сумига ҳужум қилди

Ҳужумлар натижасида кўп қаватли уйлар ва хусусий уйлар зарар кўрган, ёнғинлар бошланган. Қурбонлар ва жабрланганлар ҳақида маълумот йўқ.

Фото: Telegram / senkevichonline

21 январ, сешанба куни кечқурун Россия армияси Миколайив шаҳрига еттита Shahed типидаги дрон билан ҳужум қилди, деди Миколайив области давлат маъмурияти раҳбари Виталий Ким. Ҳужум натижасида турар жой бинолари шикастланган ва ёнғин келиб чиққан. Қурбонлар ва жароҳатланганлар ҳақида маълумотлар йўқ.

Миколайив мэри Александр Сенкевич ўзининг Telegram-каналида хусусий сектордаги вайронагарчиликлар ҳақида ёзди. «Вайроналар остидан бир аёл чиқариб олинди. Ёнғин бор. Инфратузилма объектида вайронагарчилик ва ёнғин. Қутқарувчилар ҳам ишламоқда», — деди у.

Шу куни кечқурун рус армияси Суми шаҳридаги хусусий секторга Shahed дронлари билан ҳужум қилиб, бир нечта уйларга зарар етказди.

#Россия #дрон